گورانی نوی اگرین دلشاد

ئێمە گیانێکین لە دوو جەستەدا
وەک شیعر و ئاواز لە یەک جەستەدا
دنیا ناتوانێ لێکمان کاتەوە
مەگەر خوا بۆ خۆی بمانباتەوە

***
ئێمە پەروەردەی یەک خۆڵ و ئاوین
بۆ یەک مەبەست و بۆ یەک پێناوین
لە ناو یەکترا تواوینەوە
ڕێبواری یەک ڕێین جیا نابینەوە

***
پەیمانمان داوە تا لە ژینا بین
بۆ تەنیا ساتێ بێ یەکتر نابین
ئەگەر لەو دنیاش زیندوو بینەوە
هەر وەکو ئێستا یەک ئەگرینەوە

***
یەک بۆ یەکترین خۆراکی گیانین
لە تەنگانەدا بۆ یەک قوربانین
ئەشقی پیرۆزی ئێمە وەهایە
هەتا خواوەندیش لێمان ڕەزایە

***
بە سەرسامی لەسەر لوتکەی بڵندی عومری گەنجیم وەستاوم
شریتی عومری ڕابردووم وەکو خەو دێتە بەر چاوم

صفحه رسمی کرد موزیک در اینستاگرام

کانال رسمی کرد موزیک در تلگرام

آدرس جدید کردموزیک